سؤال للجميع من وحي الأسبوع: كم مرة وجه الك احدهم جملة "الله يثبت علينا العقل"؟
اذا زادت المرات عن ال١٠ خلال السنة الحالية فقد وجب على العالم تهنأتك و تهنأتكي لأنك "غير"
فالعقل في مجتمعنا هو التفكير المحدود و المتبع من قبل الجميع و العقل في مجتمعنا هو انك "تسمع الكلام" و ما تتمرد على الوضع الحالي و "العقل" في مجتمعنا هو انو البنت تدرس اشي بفيدها و "عين العقل" دهورنا و حطنا بالضياع و التخلف اللي احنا في…
و لو كنت انت الوحيد في مجتمعك اللي بتصرّ انك تحلم لبلدك بانها تصير من دول العالم الأول و انت الوحيد اللي بتصرّ تعامل الجميع باحترام بغض النظر عن رأي المجتمع فيهم و انت الوحيد اللي ما بتعتبر الكذب عملي و انت الوحيد اللي ما بتعيش حياتك مشان ترضي اللي حوليك فانت حتما الوحيد اللي عندك عقل..
و لو كنتي الوحيدة اللي بتحكي رأيك بدون خوف من انه مختلف و غير مقبول و لو كنتي الوحيدة اللي ما بتمشي "الحيط الحيط" و لو كنتي الوحيدة اللي ما بتعتبري كونك بنت تحديد و ما بتعطي الوصاية لتفكيرك و اتخاذ قراراتك لحدا فانتي حتما الوحيدة اللي عندك عقل….
و لك/ي و لمن يقولك "الله يثبت علينا العقل" بقترح دعوة جديدة:
الله يثبت علينا العقل الحر و الأخلاق
هلكتونا
تقهووا
دينا
photo credit: Me
No comments:
Post a Comment