بشرى العمري تكتب "لما تعلمت أحكي لآ"

لما تعلمت أحكي لأ !!! 


لأ لأ لأ هي أول كلمة نطق بها أطفال الوطن العربي "منهم أنا" ,تعّلموها من الأهل والمحيط و توارثوها جيلا بعد جيل !! 

الاب" لأ " الام" لأ" الابن "لألألألأ" فالحفيد أكيييد أكييد "لألألألألأ ", على الطالعة "لأ" و على النازلة" لأ" , " لأ في" و "لأ ما فيش" 

وين ممكن نحط" لأ" حطّيناها سواء في جملة مفيدة أو غير مفيدة مثلا : " اه لأ" !!! مش معروف هي اه والا" لأ" !! 

الغريب في الموضوع أنه استمر تداولها عند الجميع تقريبا الا اناااااا !! يعني اسالو مين ما بدكم كيف بشرى !! عمرها اعترضت على شي و قالت لأ ! الجواب اكيييد لأ ههههههه . 

من هنا قرّرت أرجّع ثقافة " لأ" من باب الولاء و الانتماء لزمن الطفولة على الأقل !! بس المهمة كانت أصعب مما تخيلت يعني بدل ما 

أعبر عن رأي و أحكي بكل مودة لأ صرت بس بدي أعترض و أقول لأ على كل شي . أهلي, أصدقائي وكل من حولي لاحظوا 

التغيرات العجيبة و الجميع بلا استثناء سألني نفس السؤال : شو مالك بشرى ! في شي مزعلك و مخبيتو علينا ! الجواب للمرة المليون 

لألألألألأ . 

بعد تلك المجادلات العنيفة والتي كانت جزء صغير من رحلت البحث عن الذات , سألت نفسي ما هي الدوافع لقول "لأ" !! وجدتها كثيرة منها : 

أنا : نعم أنا قد مللت الاتفاق مع محيطي في كل شيء , أردت أن أراهم بطرقة أخرى ! فكانت من أروع التجارب وجدت الناصح فيهم , المهدئ , الصبور والمتقبل وأخيرا من فهمني و احتوى الموقف . ! 

الأهل " ماما" : فأنا بنظرها فتاتها المحبة , الحساسة , الكتومة والدموووع ما زالت منهمرة ... أرادتني قوية , حرة "مش فارق معي حدا ", صاحبة مواقف ربما اعتبرتني سكت عن مواقف كثيرة كان يجب أن أعترض و أقول" لأ" و لكني كنت أصمت و ابكي كي لا أضايق من حولي . فضلت راحتهم على راحتي , احترمت أرائهم و نسيت رأي , رفعت أصواتهم و كتمت صوتي !!!! كانت من أقوى الدوافع

المحيط و نظرته: كلام الناس اللي دائما ندعّ انه مش فارق معنا مع انو فارق! يعني الكل بجيب سيرتي بالخير" و الله اعلم " يمكن عشان أنا دائما مسالمة , مع الأغلبية رأي من رأيكم و اللي بتشوفوا بمشي ! قلت بغير من نفسي بضلهم متل ما هم ! ليش هالعالم حبتني عشانني ساكتة !! 

بالنهاية حسيت إني وصلت لمرحلة السلام مع نفسي , خلال الفترة الماضية عبرت عن رأي بشكل كبير , وضعت "لأ" في أماكن صحيحة و خاطئة كثيرة بس بالآخر عرفت أحكي " لأ " .

من اليوم, أكيد أنا معكم ما دام فكري و قلبي و عقلي راضين غير هيك اسمحوا لي بقول لأ لأ لأ . 

بشرى لأ