القصة بلشت في ايطاليا و انا و صاحباتي قاعدين في حديقة عامة بناكل بوظة ايطالية و الجو ايطالي و كلو تمام! ما بنسمع الا واحد ببلش يخطب فينا خطبة الجمعة و اليوم الاربعاء "بسم الله الرحمن الرحيم ، ما شاء الله و ما قدر فعل! هو الجميل و خلق الجمال…" ، احنا انصدمنا لانو اولا الشخص بحكي عربي و ثانيا انو بتحركش فينا على الطريقة الاسلامية!!!
فكرنا انو الموضوع حدث فردي و لكن اكتشفنا انو احنا غلطانين كتييير! تكررت القصة بطرق مختلفة و لما كان يكتشف شب عربي مغترب انو احنا بنات عرب اما من حجاب صاحبتي او من كلامنا كان يتحركش فينا بنفس الطريقة…..مرة "تبارك الله" مع نظرة تفصيلية ، مرة "ما شاء الله" مع تصفيرة سرسرية ، و مرة "استغفر الله" و مرة "الله اكبر" ، ما ضل الا واحد يقرا علينا المعوذات بحس حالي عفريت رسمي!
فكرنا انو الموضوع حدث فردي و لكن اكتشفنا انو احنا غلطانين كتييير! تكررت القصة بطرق مختلفة و لما كان يكتشف شب عربي مغترب انو احنا بنات عرب اما من حجاب صاحبتي او من كلامنا كان يتحركش فينا بنفس الطريقة…..مرة "تبارك الله" مع نظرة تفصيلية ، مرة "ما شاء الله" مع تصفيرة سرسرية ، و مرة "استغفر الله" و مرة "الله اكبر" ، ما ضل الا واحد يقرا علينا المعوذات بحس حالي عفريت رسمي!
المهم في القصة انو شو بالنسبة لانك يا اخي العربي المغترب بتأسلم لما تشوف بنت عربية و شو يتهيئلك انو وحدة بعقلها ممكن تتجاوب معك و انتا عندك صراع داخلي بين انك تصير شيخ جامع و انك تمتهن السرسرة ؟؟
انا هون مم نبض الشارع العربي بطالب اي جهة دينية ذات سلطة على هذه الفئة باصدار فتوة صريحة العبارة بعدم جواز التطقيس الاسلامي و بما انو ما رح يصير هيك اشي انا بقلكم بمناسبة رمضان خفو علينا و على الدين الاسلامي لانو لا نحنا ناقصين و لا هو ناقص...
انا هون مم نبض الشارع العربي بطالب اي جهة دينية ذات سلطة على هذه الفئة باصدار فتوة صريحة العبارة بعدم جواز التطقيس الاسلامي و بما انو ما رح يصير هيك اشي انا بقلكم بمناسبة رمضان خفو علينا و على الدين الاسلامي لانو لا نحنا ناقصين و لا هو ناقص...
و هي فيديو بحكي عن نفس الموضوع واللي عاملو بفكرو بضحك...
تقهووا
دينا
No comments:
Post a Comment